بیوی کا جھگڑالو ہونا عام مسئلہ ہے، لیکن اکثر مرد اس کو غلط طریقے سے ہینڈل کرتے ہیں۔ وہ بھی چیختے ہیں، جس سے گھر جہنم بن جاتا ہے۔

یاد رکھیں، عورت غصے میں اکثر وہ نہیں کہتی جو وہ سوچتی ہے۔ وہ توجہ چاہتی ہے۔

*1. جواباً جھگڑا نہ کریں:*
نبی ﷺ کا طریقہ تھا، جب حضرت عائشہؓ غصے میں ہوتیں تو آپ خاموش ہو جاتے۔ آپ بھی 5 منٹ خاموش رہیں، اس کا غصہ خود ختم ہو جائے گا۔

*2. اس کی بات کو سنیں، کاٹیں نہیں:*
وہ چاہتی ہے آپ اس کی بات سنیں۔ موبائل رکھ دیں، آنکھوں میں دیکھ کر سنیں، پھر کہیں "ہاں تم ٹھیک کہہ رہی ہو، میں سمجھ رہا ہوں"

*3. غلطی نہ بھی ہو تو معافی:*
گھر بچانے کے لیے "سوری" کہنا کمزوری نہیں، بڑا پن ہے۔ ایک جملہ "مجھ سے غلطی ہو گئی" 10 دن کے جھگڑے سے بچا لیتا ہے۔

*4. تعریف کریں:*
جھگڑالو عورت بھی تعریف کی بھوکی ہوتی ہے۔ اس کے کھانے، کپڑوں، بچوں کی تربیت کی تعریف کریں۔ تعریف سے زبان میٹھی ہو جاتی ہے۔

*5. تنہائی میں سمجھائیں:*
سب کے سامنے کبھی نہ ڈانٹیں۔ رات کو اکیلے میں پیار سے کہیں "تمہارے منہ سے گالی اچھی نہیں لگتی، تم تو اتنی پیاری ہو"

*6. اس کے ماضی کو نہ چھیڑیں:*
جھگڑے میں پرانی باتیں نکالنا آگ پر تیل ہے۔ صرف اسی مسئلے پر بات کریں۔

*7. دعا اور تحفہ:*
ہر ہفتے چھوٹا سا تحفہ، چاہے 100 روپے کا جھمکا ہی کیوں نہ ہو۔ اور فجر میں اس کی ہدایت کی دعا۔

جھگڑالو بیوی بری نہیں ہوتی، بس اسے سمجھانے والا چاہیے ہوتا ہے۔